Monday, July 03, 2006

ഞാനും വരുന്നു ബൂലോകത്തിലേക്ക്‌....

വര്‍ഷം 1969
മാളയിലെ ഒരു ഗവണ്‍മന്റ്‌ ആശുപത്രിയിലെ ഒരു ലേബര്‍ റൂം..

ഹെഡ്‌ നേഴ്സ്ന്റെ അലര്‍ച്ച കേട്ടു. ക്ക്രാാാാാാാാാാാാാാാാാാാാാാാാാാാ

ഉടനെ അസിസ്റ്റന്റ്‌ നേഴ്സ്‌ അലറി............ക്രോോോോോോോോോോോോോോോോ

അടുത്ത അലര്‍ച്ച പ്രസവിച്ചു കിടക്കുന്ന സ്ത്രീയുടേതായിരുന്നു. അയ്യോോോോോോോോോോോോോോോോോോോ


ലേബര്‍ റൂമിന്റെ വാതില്‍ക്കല്‍ നിന്നിരുന്ന ഭര്‍ത്താവിനോട്‌ ഹെഡ്‌ നേഴ്സ്‌ അലറി......

സാത്താന്‍ കുട്ടി പിറന്നു........

അല്ല, എന്റെ കുട്ടിയാണത്‌.....


****************************

ഒരു മണിക്കൂറിനുള്ളില്‍-
കുടുംബസുഹൃത്ത്‌ മാഞ്ഞൂരാന്‍ ഡോക്ടര്‍ സാത്താന്റെ സന്തതിയെ
കാണാന്‍ വന്നു. രണ്ടുഭാഗത്തേക്കും വളര്‍ന്നു നില്‍ക്കുന്ന കൊമ്പു
പോലെയുള്ള തലയുമായി ഒരു അത്ഭുതജന്മം!

ഇത്‌ സാത്താന്‍സന്തതിയൊന്നുമല്ല,. നിങ്ങളുടെ സന്തതി തന്നെ.
ഈ രണ്ടു കൊമ്പിന്മേല്‍ തൊടരുത്‌. അത്‌ താനെ അവിഞ്ഞ്‌ പൊക്കോളും.

ഒരു മണിക്കൂറുനുള്ളില്‍ ഒരു കൊമ്പ്‌ കമ്പ്ലീറ്റ്‌ പോയി. മറ്റേ കൊമ്പ്‌
പരന്ന് ചെരിഞ്ഞ്‌ എന്നെ ഒരു മത്തങ്ങത്തലയനാക്കി.

ചെറുപ്പം മുതല്‍ മത്തങ്ങ, മരോട്ടിക്ക എന്ന വിളികളും പേറി
ഈ മത്തങ്ങത്തലയന്‍ ജീവിക്കുന്നു.

എനിക്കും ഒരു ബ്ലോഗറാകാന്‍ മോഹം. വിശാലന്റെ കഥകളില്‍
എന്റെ ചുറ്റുപാടുകള്‍ തെളിഞ്ഞുവരുന്നത്‌ പോലെ തോന്നിയപ്പോള്‍
ഞാന്‍ ഒരു ബ്ലോഗ്ഗ്‌ വായനക്കാരനായി.

എന്നാല്‍ കുറുമാന്റെ പോസ്റ്റിംഗുകള്‍ വായിച്ചുതുടങ്ങിയതോടെ ഞാന്‍ എഴുതാന്‍
തീരുമാനിച്ചു. കുറുമാന്‍ എന്റെ ജീവിതകഥ കോപ്പിയടിക്കുന്നതുപോലെ....

കുറുമാന്‍.....

ഞാനും ഗോദയിലേക്ക്‌........